ტბელ აბუსერიძის ქ. 5ა, ბათუმი 6004
ორშ–პარ 10–17 | შაბ 10–14 | კვ: დასვენება

GI Rimon

საქართველო-ისრაელის სამედიცინო ცენტრი GI Rimon
საქართველოსა და სასომხეთში

ჩვენს შესახებ

საქართველოში მოქმედი საქართველო-ისრაელის სამედიცინო ცენტრი GI Rimon თანამედროვე დიაგნოსტიკური და სამკურნალო დაწესებულებაა, რომელიც პაციენტებს რეპროდუქციული, ესთეტიკური და საოჯახო მედიცინის მიმართულებით მომსახურების ფართო სპექტრს სთავაზობს.

ჩვენი მთავარი მიზანია, დავეხმაროთ როგორც ქართველ, ისე უცხოელ პაციენტებს ჯანმრთელობასთან დაკავშირებული მნიშვნელოვანი მიზნების მიღწევაში — იქნება ეს ოჯახის შექმნა, ჰორმონული ბალანსის აღდგენა თუ ზოგადი ჯანმრთელობისა და ცხოვრების ხარისხის გაუმჯობესება.

ჩვენთვის მნიშვნელოვანია თითოეული პაციენტის ინდივიდუალური საჭიროებების გათვალისწინება, მაღალი სამედიცინო ხარისხის უზრუნველყოფა და თანამედროვე ტექნოლოგიებისა და ინოვაციური მიდგომების დანერგვა. გვჯერა, რომ ეფექტური მკურნალობა პროფესიონალიზმთან ერთად ყურადღებას, ნდობასა და ადამიანურ დამოკიდებულებასაც მოითხოვს.

GI Rimon ხუთ წელზე მეტია წარმატებით საქმიანობს საქართველოში და პაციენტებს თანამედროვე სამედიცინო მომსახურებას სთავაზობს. კლინიკა მუშაობის „ბუტიკ“ მოდელს ეფუძნება, რაც გულისხმობს თითოეული პაციენტისთვის ინდივიდუალური მკურნალობის გეგმის შემუშავებასა და პერსონალურ ზრუნვას მკურნალობის ყველა ეტაპზე.

ჩვენი საქმიანობა სრულად შეესაბამება საქართველოს ჯანდაცვის სამინისტროს მოთხოვნებს. ამასთან, სამედიცინო პრაქტიკაში ვითვალისწინებთ ადამიანის რეპროდუქციისა და ემბრიოლოგიის ევროპული საზოგადოების (ESHRE) რეკომენდაციებს.

GI Rimon ამაყობს აჭარის სახელმწიფო IVF პროგრამაში მონაწილეობით. რეგიონში დამხმარე რეპროდუქციული ტექნოლოგიების გამოყენებით ჩასახული ბავშვების 50%-ზე მეტი ჩვენი კლინიკის ჩართულობით დაიბადა. ჩვენ ვაერთიანებთ წამყვან ქართველ რეპროდუქტოლოგებსა და ისრაელელ კონსულტანტებს, რათა პაციენტებს თანამედროვე ცოდნასა და საერთაშორისო გამოცდილებაზე დაფუძნებული სამედიცინო მომსახურება შევთავაზოთ.

უნაყოფობის დიაგნოსტიკისა და მკურნალობის, ინ ვიტრო განაყოფიერების (IVF), კვერცხუჯრედისა და სპერმის დონაციისა და სუროგაციის გარდა, GI Rimon პაციენტებს გინეკოლოგიის, უროლოგიის, ენდოკრინოლოგიის, პედიატრიისა და ფსიქოლოგიის მიმართულებითაც ემსახურება.

სუროგაციის პროგრამები ხელმისაწვდომია საქართველოსა და სასომხეთში მოქმედი კანონმდებლობის შესაბამისად. საქართველოში სუროგაციის მომსახურებით სარგებლობა შეუძლიათ კანონით დადგენილ მოთხოვნებთან შესაბამისობაში მყოფ დაქორწინებულ წყვილებს, ხოლო სასომხეთში ჩვენი შვილობილი კომპანია შესაბამის მომსახურებას მარტოხელა ქალებსა და მამაკაცებსაც სთავაზობს.

კლინიკაში ასევე ფუნქციონირებს ესთეტიკური და ჰოლისტიკური მედიცინის განყოფილება, სადაც პაციენტებს ვთავაზობთ ესთეტიკური გინეკოლოგიისა და კოსმეტოლოგიის მომსახურებას, ტალახით მკურნალობას, წყალბადის თერაპიას, მასაჟსა და აკუპუნქტურას.

ჩვენი მომსახურება ასევე მოიცავს 4D ულტრაბგერით კვლევას, ვაქცინაციასა და ლაბორატორიული ანალიზების სრულ სპექტრს. ჩვენი მიზანია, პაციენტებს ჯანმრთელობაზე ზრუნვისთვის საჭირო სხვადასხვა მომსახურება ერთ სივრცეში შევთავაზოთ — პროფესიონალური მიდგომითა და ინდივიდუალური ყურადღებით.

GI Rimon-ში თქვენი ჯანმრთელობა, თქვენი ოჯახი და თქვენი მომავალი ჩვენი მთავარი პრიორიტეტია.

ჩვენ ვაერთიანებთ ისრაელის სამედიცინო გამოცდილებას, თანამედროვე ტექნოლოგიებსა და ქართულ ფასებს, რათა ხარისხიანი სამედიცინო მომსახურება ყველასთვის უფრო ხელმისაწვდომი გავხადოთ.

დირექტორთა საბჭო

GI Rimon-ის სტრუქტურა